മൂപ്പിലാൻ പണ്ടെഴുതി
പിടിപ്പിച്ചതെല്ലാം
ഒന്ന് മായ്ച്ചു കളയണം
പിന്നെ വാങ്ങണം
സ്വന്തമായി നല്ലൊരു പേന
പിന്നെ എഴുതി തുടങ്ങണം
ഒന്ന് തൊട്ട് ആദ്യം മുതൽ.
എനിക്കെന്റെ തലയിൽ
എഴുതാനാകില്ല പകരം
ഞാൻ നിങ്ങളുടെ തലയിലും
നിങ്ങൾ എന്റെ തലയിലും
എഴുതുമെങ്കിൽ മാത്രം
പുതിയൊരു തരം
തലയിലെഴുത്തൊന്നു
പരീക്ഷിച്ചു നോക്കാം നമുക്ക്.
നഷ്ട്ടപ്പെടാൻ സ്വന്തമായൊരു
ഉണക്ക തല മാത്രം ബാക്കിയെങ്കിൽ
പിന്നെയെന്തിന് നമ്മളത്
പരീക്ഷിക്കാതിരിക്കണം ?
-pravin-